Contact Finance mikromoliya tashkilotining korporativ obligatsiyalari Toshkent fond birjasida ro‘yxatdan o‘tkazildi.
Birja matbuot xizmatining xabariga ko‘ra, tashkilotning korporativ obligatsiyalari sotuvi 2026-yil 4-fevraldan boshladi.
Mazkur obligatsiyaning nominal qiymati 100 ming so‘mni tashkil etib, umumiy emissiya hajmi 10 mlrd so‘mga yetadi.
Obligatsiyalarning muomalada bo‘lish muddati ularni joylashtirish boshlangan kundan e’tiboran 3 yil etib belgilangan.
Korporativ obligatsiyalar bo‘yicha yillik daromadlilik 25 foizni tashkil etadi va foizli daromadlar 1 oyda bir marotaba to‘lanadi.
Ma’lumot uchun, bugungi kunda banklardagi omonatlarning yillik stavkasi 21 foizni tashkil etmoqda.
Avvalroq, Asakabank korporativ obligatsiyalari sotuvi boshlangani to‘g‘risida ma’lumot bergandik.