KATM mobil ilovasi yangi funksiyalar bilan boyitildi. Ilovada bir vaqtning o‘zida uchta yangi pullik xizmat ishga tushirildi.
Ishonchli kafil xizmati
Ushbu xizmat orqali kafil bo‘lishdan avval qarz oluvchining kredit tarixini o‘rganish imkoniyati mavjud.
Xususan, uning joriy majburiyatlari, to‘lov intizomi va skoring balli haqidagi ma’lumotlar taqdim etiladi. Xizmatdan foydalanish narxi 8 240 so‘m miqdorida belgilangan.
Kimga kafilman xizmati
Mazkur xizmat foydalanuvchiga qaysi shaxslarga kafil ekanligini ko‘rish, mavjud kafillik majburiyatlarini nazorat qilish hamda moliyaviy xatarlarni baholash imkonini beradi. Undan foydalanish narxi 2060 so‘mni tashkil etadi.
Muddati o‘tgan to‘lovlar xizmati
Bu xizmat orqali asosiy qarzdorlik bo‘yicha 90 kundan ortiq kechiktirilgan to‘lovlarning kredit tarixidan qachon chiqarilishi (o‘chirilishi) muddatini kuzatib borish mumkin. Uning narxi 4120 so‘mni tashkil etadi.