6-mart holatiga ko‘ra, O‘zbekistonda 1 gramm oltin quymasining narxi 2 mln 79 ming so‘mni tashkil etmoqda.
06.03.2026 / Manba: Markaziy bank
Mamlakatda 29-yanvar kuni 1 gramm oltin quyma narxi 2 mln 173 ming so‘mga yetib, rekord o‘rnatgan edi. Shundan so‘ng narxlar nisbatan pasayib turdi.
28-fevral kuni Eron atrofidagi mojarolar fonida oltin narxi yana o‘sishni boshladi va 3-martga kelib, oltin quymasi narxi 29-yanvarda qayd etilgan ko‘rsatkichga tenglashdi.
Keyingi kunlarda esa narxlar pasaymoqda. 3-martdan 6-martgacha bo‘lgan davrda oltin quymasi narxi 4,5 foizga arzonladi.
Fond bozorida
6-mart kuni soat 11:20 holatiga ko‘ra, jahon bozorida oltinning bir troy unsiyasi narxi 5120 dollarni tashkil etmoqda.
Skrinshot: Trading Economics
Qimmatbaho metall fond bozorida 28-yanvar kuni 5420 dollarga yetib, eng yuqori natijani qayd etgandi.
Skrinshot: Trading Economics
Shundan keyingi kunlarda narxlar biroz pasayib, Eron atrofidagi geosiyosiy noaniqliklar fonida yana ko‘tarila boshladi.
3-mart kuni narx 5320 dollarga yetdi. Keyingi kunlarda esa narxlar pasaymoqda.
Ma’lumot uchun, @tangauz_news Telegram kanalida oltin quymalari narxlarining kunlik o‘zgarishi berib boriladi.