Statistika qo‘mitasining ma’lum qilishicha, 2026-yil yanvar-fevral oylarida O‘zbekistonning tashqi savdo aylanmasi 11,6 mlrd dollarga yetgan.
Bu o‘tgan yilning mos davriga nisbatan 767 mln dollarga yoki 7,1 foizga ko‘pdir.
Infografika: tanga.uz
Tashqi savdo aylanmasida import eksportdan 4,5 mlrd dollarga ko‘proq bo‘ldi.
Bu ko‘rsatkich o‘tgan yilning mos davriga nisbatan qariyb uch barobarga oshgan.
Mamlakat tashqi savdo aylanmasida yuqori ulush Xitoy (27,5 %), Rossiya (18,3 %) va Qozog‘iston (7,2 %) hissasiga to‘g‘ri keldi.
Manba: stat.uz
Eksport
2026-yilning yanvar-fevral oylarida O‘zbekiston 3,5 mlrd dollar qiymatidagi tovar va xizmatlarni eksport qildi.
Bu o‘tgan yilning mos davriga nisbatan 1 mlrd dollarga yoki 23 foizga kamaygan.
Ushbu pasayish maxsus eksport hajmlarining qisqarishi bilan izohlandi. Ma’lumot uchun, bu davrda oltin eksport qilinmagan.
Maxsus eksportni hisobga olmaganda, tovarlar eksporti 2 mlrd dollarni tashkil etib, o‘tgan yilning mos davriga nisbatan 24 foizga oshgan.
Eksportning katta qismi xizmatlar hissasiga to‘g‘ri keldi. Xizmatlarning umumiy eksportdagi ulushi 25 foizdan 41 foizga yetdi.
Manba: stat.uz
Eksportning eng katta qismi Rossiya (19,2%) hissasiga to‘g‘ri keldi.
Import
2026-yilning yanvar-fevral oylarida O‘zbekiston 8 mlrd dollarlik tovar va xizmatlarni import qildi.
Bu o‘tgan yilning mos davriga nisbatan 1,8 mlrd dollarga yoki 30 foizga oshgan.
Import tarkibida eng katta ulush mashinalar va transport asbob-uskunalari (36,1 %) hissasiga to‘g‘ri keldi.
Manba: stat.uz
Mamlakat ushbu davrda 135 dan ortiq davlatdan tovar va xizmatlar import qildi.
Bu boradagi yirik hamkorlar Xitoy (35%) va Rossiya (18%) bo‘ldi.