Shuhratbek Kurbonov TBC Uzbekistan boshqaruvi raisining maslahatchisi lavozimini tark etdi. Bu haqda u o‘zining LinkedIn sahifasida ma’lum qildi.
Skrinshot: LinkedIn
Kurbonov o‘z postida ekotizim rahbariyatiga, jumladan, Nika Kurdiani, Oliver Hyuz va Spartak Tetrashviliga minnatdorchilik bildirdi.
Shuningdek, u bu davr o‘zi uchun haqiqiy raqamli bank qurish nima ekanligini qayta anglash imkoniyati bo‘lganini ta’kidladi.
2025-yilning yanvar oyida HUMO to‘lov tizimi Paynet to‘lov tashkilotiga 65 mln dollarga sotilgan edi.
6-mart kuni yagona aksiyador qarori bilan Shuhratbek Kurbonov HUMO to‘lov tizimi boshqaruvi raisi lavozimidan ozod etildi.
U ushbu lavozimda tizim tashkil etilganidan, ya’ni 2019-yildan buyon ishlab kelayotgan edi.
Shundan so‘ng, oradan ikki oy o‘tib, aniqrog‘i may oyi boshida, Qurbonov TBC Uzbekistan boshqaruvi raisining maslahatchisi etib tayinlangani ma’lum bo‘ldi.
Shu tariqa, u ushbu lavozimda bir yildan kamroq vaqt ishladi.