Abror Turg‘unov o‘z faoliyatini Asia Alliance Bank’da Blok rahbari sifatida davom ettiradi.
Bu haqda Bank-moliya va fintexdagi tayinlovlar kanalida ma’lum qilindi.
Turg‘unov bungacha Poytaxt Bank boshqaruvi raisi o‘rinbosari lavozimida ishlab kelayotgan edi.
Abror Turg‘unov haqida
Abror Qodirovich Turg‘unov 1983-yilda Toshkent shahrida tug‘ilgan.
2005-yilda Toshkent davlat iqtisodiyot universitetini, 2013-yilda O‘zbekiston Respublikasi Bank-moliya akademiyasini tamomlagan.
Mutaxassisligi — bank sohasida marketing, investitsiyalarni boshqarish. Bank tizimidagi mehnat faoliyatini 2005-yilda boshlagan.
2024-yilning iyun oyidan boshlab Poytaxt Bank boshqaruvida ishlab kelayotgandi.
2025-yil 3-sentyabrda ushbu bankning boshqaruv raisi vazifasini vaqtincha bajaruvchi etib tayinlangan.
Biroq ko‘p o‘tmay, aniqrog‘i, 8-sentyabr kuni bank yagona aksiyadorining qarori bilan bu lavozimdan ozod etilgani ma’lum bo‘ldi.
Shundan so‘ng u faoliyatini bankning boshqaruv raisi o‘rinbosari lavozimida davom ettirgan.
Uning mas’uliyat doirasiga chakana kreditlash boshqarmasi, g‘aznachilik, iqtisodiy tahlil va strategik rivojlanish, tashqi iqtisodiy faoliyat, shuningdek, umumiy bo‘lim hamda xaridlar bo‘limi kirgan.