20-aprel kuni O‘zsanoatqurilishbank tomonidan brend-ambassadorlik xizmatlarini tashkil etish bo‘yicha yirik tender e’lon qilindi.
Mazkur tenderning boshlang‘ich qiymati 4,86 mlrd so‘mni tashkil etadi. Tanlov eng yaxshi takliflarni tanlash tartibida o‘tkaziladi.
Skrinshot: E-tender
Tender hujjatlariga ko‘ra, xizmatlar doirasida mashhur turk aktyori Burak O‘zchivitni bank brendi ambassadori sifatida jalb etish ko‘zda tutilgan.
Skrinshot: E-tender
Shartnomaga muvofiq, aktyor bilan ikki yilgacha hamkorlik qilish, uning ishtirokida foto va video kontent ishlab chiqish hamda ushbu materiallardan reklama va PR maqsadlarida foydalanish rejalashtirilgan.
Tender shartlariga ko‘ra, ishtirokchi g‘olib deb e’lon qilinganidan keyin 5 kun ichida aktyor bilan imzolangan kelishuvni taqdim etishi lozim.
Shartnoma bo‘yicha to‘lovning 50 foizi oldindan, qolgan qismi esa ishlar bajarilish bosqichlari yakuniga ko‘ra amalga oshirilishi belgilangan.