5-aprel kuni Prezident Shavkat Mirziyoyev tadbirkorlarni qiynayotgan muammolarni hal etishga qaratilgan taqdimot bilan tanishdi.
Foto: Prezident matbuot xizmati
Taqdim etilgan takliflar orasida raqamlashtirish va bank xizmatlari xarajatlarini kamaytirish masalalariga alohida e’tibor qaratilgan.
Xususan, jismoniy shaxslarning o‘z bank kartalari o‘rtasidagi pul o‘tkazmalarini komissiyasiz amalga oshirish tartibini joriy etish taklif etildi.
Shuningdek, SMS xabarnomalar xarajatlarini qayta ko‘rib chiqish va ularning o‘rniga mobil ilovalardagi bildirishnomalar yoki biometrik identifikatsiya kabi muqobil yechimlardan foydalanish taklif qilindi.
Bundan tashqari, umumiy ovqatlanish, alkogol, tamaki va yoqilg‘i sotish sohalarida xarid cheki bo‘yicha keshbekni tezkor qaytarish tizimini yo‘lga qo‘yish taklif qilindi.