Markaziy bank valyuta birjasiga tayanib, 3-iyul kuni uchun dollar kursini 11 909,66 so‘m etib belgiladi.
Bu 2025-yil 3-dekabrdan buyon qayd etilgan eng past rasmiy kursdir.
Belgilangan rasmiy kurs o‘tgan yilning mos kunidagi kursga nisbatan 692 so‘mga arzonlagan.
Infografika: tanga.uz
Joriy yilda rasmiy kursning eng yuqori qiymati 10-fevralga to‘g‘ri kelib, o‘shanda 12 320,34 so‘mni tashkil etgandi.
2025-yilda esa rasmiy kursning eng yuqori qiymati 14-fevralda kuzatilib, 13 004 so‘mga teng bo‘lgandi.
Shundan so‘ng, AQSh dollarining so‘mga nisbatan rasmiy kursida pasayish kuzatilgan.
Natijada dekabr oyiga kelib yilning eng past ko‘rsatkichi qayd etilgan edi.
Markaziy bank 3-dekabr uchun rasmiy kursni 11 880,93 so‘m etib belgilagan.
Shu tariqa, bir yil davomidagi eng yuqori va eng past kurslar o‘rtasidagi farq 1123 so‘mga yetgan.
Keyingi kunlarda AQSh dollari 3-iyul uchun belgilangan qiymatdan 29 so‘mdan ko‘proqqa pasaysa, bu 2023-yil 10-avgustidan beri kuzatilgan eng past ko‘rsatkich bo‘ladi.