Soliq qo‘mitasi 2026-yilning yanvar-avgust oylari uchun O‘zbekistonda rasmiy taksi bozorining ayrim ko‘rsatkichlarini ochiqladi.
1-sentyabr holatiga ko‘ra, O‘zbekistonda 242 ta taksi agregatori soliq organlarining axborot tizimlari bilan integratsiya qilingan.
Ular orqali 2026-yilning dastlabki sakkiz oyida 329 million martadan ko‘proq yo‘lovchi tashilgan. Shu davrda agregatorlarning yo‘lovchi tashish aylanmasi 7 trln 168 mlrd so‘mni tashkil etgan.
To‘lovlarning 63 foizi naqd, qolgan 37 foizi esa naqdsiz shaklda amalga oshirilgan. Bunda o‘rtacha chek miqdori — 21 785 so‘m.
Agregatorlar ushbu davrda 149,2 mlrd so‘m soliq to‘lagan, buning 46,8 mlrd so‘mi qo‘shilgan qiymat solig‘i hissasiga to‘g‘ri keladi.
Taksi haydovchilari
2026-yil 1-sentyabr holatiga ko‘ra, 481 115 nafar haydovchi agregatorlar orqali yo‘lovchi tashish faoliyati bilan o‘zini o‘zi band qilgan. Ularning 0,85 foizi yoki 4 107 nafari ayollardir.
2026-yilning dastlabki sakkiz oyida o‘zini o‘zi band qilgan taksi haydovchilarining agregatorlar orqali topgan daromadi quyidagicha bo‘lgan:
- 100 mln so‘mdan ko‘p — 7,9 ming haydovchi (1,6%)
- 50–100 mln so‘m — 31,5 ming haydovchi (6,5%)
- 10–50 mln so‘m — 124,4 ming haydovchi (25,9%)
- 5–10 mln so‘m — 59,9 ming haydovchi (12,5%)
- 1–5 mln so‘m — 123,6 ming haydovchi (25,7%)
- 1 mln so‘mgacha — 133,7 ming haydovchi (27,8%)
Ushbu davrda taksi haydovchilari yo‘lovchi tashishda quyidagi avtomobil modellaridan eng ko‘p foydalangan:
- Cobalt – 27 foiz
- Nexia – 19,3 foiz
- Lacetti – 16,1 foiz
Agregatorlar orqali ro‘yxatdan o‘tgan jami taksi haydovchilarining 2,5 foizi safarlarni elektromobillarda amalga oshirgan.
Avtomobillarning ishlab chiqarilgan yiliga ko‘ra yoshi esa quyidagicha bo‘lgan:
- 1–3 yil — (16,3%)
- 3–5 yil — (37,1%)
- 5–10 yil — (17,3%)
- 10 yildan ortiq — (29,2%)