O‘zbekiston milliy valyutasi — so‘mning xarid qobiliyati so‘nggi 10 yil ichida qariyb 67 foizga kamaydi.
Buni Markaziy bankning iste’mol narxlari indeksiga asoslangan inflyatsiya kalkulyatori yordamida hisoblab chiqish mumkin.
Hisob-kitoblarga ko‘ra, 2016-yil iyun oyida 100 ming so‘mga teng bo‘lgan iste’mol savati 2026-yil iyuniga kelib 301 149 so‘mni tashkil etgan.
Bu esa so‘nggi 10 yil ichida iste’mol savati narxi 3 baravardan ko‘proqqa oshganini ko‘rsatadi.
2016-yilda 100 ming so‘mga xarid qilish mumkin bo‘lgan tovar va xizmatlar uchun 2026-yilda 301 ming so‘m talab etiladi.
Boshqacha aytganda, hozir 100 ming so‘mga olinadigan tovar va xizmatlarni 10 yil avval 33 ming so‘mga xarid qilish mumkin bo‘lgan.