O‘zbekistonda ishlab chiqarilgan maishiy texnikalarni xarid qilish uchun banklar tomonidan yillik 18 foiz stavkada iste’mol kreditlari ajratish rejalashtirilmoqda.
Bu haqda Prezident Shavkat Mirziyoyevning elektrotexnika tarmog‘ida ishlayotgan tadbirkor va investorlar bilan muloqotida ma’lum qilindi.
Foto: Prezident matbuot xizmati
Ushbu mexanizm orqali aholining zamonaviy maishiy texnika xarid qilish imkoniyatlarini kengaytirish va mahalliy ishlab chiqaruvchilar mahsulotlari savdosini oshirish ko‘zda tutilgan.
Mutasaddilarga ikki hafta muddatda tegishli hisob-kitoblarni tayyorlab, banklarga ushbu maqsadlar uchun arzon resurs joylashtirish bo‘yicha aniq taklif kiritish topshirildi.
Kreditlar qachon ajratila boshlashi, ularning muddati va maksimal summasi hozircha ma’lum qilinmagan.