Kapitalbank umumiy qiymati 50 mln dollar bo‘lgan o‘zining birinchi valyuta obligatsiyalarini chiqaradi.
Tegishli qaror 29-oktyabr kuni bank aksiyadorlarining navbatdan tashqari umumiy yig‘ilishida qabul qilingan.
Aksiyadorlar obligatsiyalarni chiqarish shartlarini quyidagicha tasdiqladi:
- Umumiy qiymati — 50 mln dollar
- Obligatsiyalar soni — 500 ming dona
- Nominal qiymati — 100 dollar
- Yillik foiz stavkasi — 7 foiz
- Foiz to‘lovlari — har 3 oyda bir marta
- Muomala muddati — 731 kun
- Joylashtirish usuli — ochiq obuna
- Anderrayter — Kapital Securities MChJ
- To‘lov valyutasi — AQSh dollari
Qayd etish joizki, hozircha aksiyadorlar yig‘ilishida obligatsiyalarni chiqarish shartlari tasdiqlangan.
Ularni amalda joylashtirish esa davlat ro‘yxatidan o‘tkazilgandan keyin boshlanishi mumkin.