AloqaVentures YorYor startapiga sarmoya kiritdi. Sarmoya miqdori hozircha ochiqlanmagan.
Mazkur startap zamonaviy juftliklar uchun to‘y marosimlarini rejalashtirish, tashkil etish va boshqarish jarayonini raqamlashtirish orqali kelin-kuyovlarga qulaylik yaratishga qaratilgan.
YorYor o‘z faoliyatini to‘yona funksiyasi bilan boshlagan. Bu funksiya mehmonlarga kelin-kuyovning shaxsiy orzular ro‘yxatiga muvofiq raqamli sovg‘alar yuborish imkonini beradi.
Startapning yoryor.net veb-sayti mavjud bo'lib, uning asosiy funksiyalari quyidagilardan iborat:
- to‘yona — shaxsiy istaklar asosida raqamli sovg‘a yuborish;
- tayyor andozalar orqali 2 daqiqada to‘y sahifasi va elektron taklifnomalar yaratish;
- sun’iy intellekt yordamida avtomatlashtirilgan to‘y rejalashtirish;
- tasdiqlangan xizmat ko‘rsatuvchilar bozori (joylar, suratchi, stilist va boshqalar);
- tezkor band qilish va ilovada xabar almashish;
- xizmat ko‘rsatuvchilar uchun buyurtmalar va biznes o‘sishini kuzatuvchi boshqaruv paneli.
Avvalroq, AloqaVentures Deepen startapiga 100 ming dollar miqdorida sarmoya kiritgan edi.