Sergey Abdulxayevich Gimadiyev APEX BANK boshqaruv raisi etib tayinlandi.
Tayinlov 14-may kuni bankning aksiyadorlar yig‘ilishida amalga oshirildi. Endi bu tayinlovni Markaziy bank tasdiqlashi qoldi.
Sergey Gimadiyev bungacha APEX BANK boshqaruv raisi o‘rinbosari lavozimida faoliyat yuritgan.
Bankning avvalgi boshqaruv raisi Bahrom No'monov esa o‘z faoliyatini bank kuzatuv kengashida davom ettirishi ma’lum qilindi.
Bahrom No'manov Foto: LinkedIn
Ma’lumot uchun, Sergey Gimadiyev 1980-yilda tug‘ilgan. Bank tizimidagi mehnat faoliyatini 2005-yili Kapitalbank’da boshlagan. 2018-yilda bir muddat Beeline kompaniyasida, 2018-2019-yillarda InFinBank’da turli lavozimlarda ishlagan.
2019-yildan 2021-yilgacha Kapitalbank’da boshqaruv raisi o‘rinbosari sifatida, 2021-yil noyabr oyidan 2023-yil iyun oyiga qadar sobiq "Bank Apelsin" AJ (keyinchalik “Uzum Bank” AJ) boshqaruvi raisi lavozimida, 2023-yil iyuldan 2024-yil may oyiga qadar Asia Alliance Bank boshqaruvi raisi lavozimlarida faoliyat yuritgan.