"Milliy banklararo protsessing markazi" AJ (HUMO to‘lov tizimi) boshqaruv tarkibida yangi tayinlovlar amalga oshirildi.
Unga ko'ra, joriy yilning mart oyida HUMO to‘lov tizimi boshqaruv raisi etib tayinlangan Maksimov Aleksey Yurevich lavozimidan ozod etildi.
Aleksey Maksimov
Uning o‘rniga boshqaruv raisining birinchi o‘rinbosari lavozimida faoliyat yuritib kelgan Muxitdinov Maksadjon Mansurovich boshqaruv raisi vazifasini vaqtincha bajaruvchi etib tayinlandi.
Maksadjon Muxitdinov
Shuningdek, HUMO to‘lov tizimi tashkil etilganidan beri unga rahbarlik qilib kelgan Shuhratbek Qurbonovning kompaniya Kuzatuv kengashidagi vakolatlari muddatidan oldin tugatildi.
Shuhratbek Qurbonov
Uning o‘rniga "Paynet" AJ bosh direktori Isamuhamedov Anvar Sadikovich Kuzatuv kengashi tarkibiga kiritildi.
Anvar Isamuhamedov
Bundan tashqari, Qurbonov HUMO to'lov tizimining affillangan shaxslar ro‘yxatidan ham chiqarildi.
Ma’lumot uchun, hozirda Shuhratbek Qurbonov TBC Bank Uzbekiston boshqaruvi raisining maslahatchisi sifatida faoliyat yuritmoqda. U ushbu lavozimga 5-may kuni tayinlangandi.
Eslatib o‘tamiz, 2025-yilning 13-yanvar kuni HUMO to‘lov tizimining 100 foizlik davlat ulushi 65 mln dollarga Paynet kompaniyasiga sotilgandi.