TBC Bank Group kompaniyasi TBC Uzbekistan’ning o'sishini tezlashtirish uchun 200 mln AQSh dollari miqdoridagi obligatsiyalarni joylashtirishi haqida e’lon qildi.
Uch yillik sintetik obligatsiyalar oʻzbek soʻmida taqdim etiladi, hisob-kitoblar AQSh dollarida amalga oshiriladi, kupon stavkasi soʻmda 22 foizni tashkil etadi. Muomalaga kiritish bir nechta transhlarda amalga oshiriladi: birinchisi — 140 mln AQSh dollari hajmida, qolganlari esa 12-18 oylik muddatga, 60 mln AQSh dollari hajmida. Obligatsiyalar Viena MTF (Avstriya) platformasida joylashtiriladi.
Yig‘ilgan mablag‘lar TBC Uzbekistan’ni rivojlantirish va ekotizimning mahsulot qatorini kengaytirishga yo‘naltirilishi ma'lum qilindi.
Avvalroq, TBC Bank Uzbekistan va payme’ning yagona egasi bo‘lgan TBC Digital kompaniyasi 4 trln 19 mlrd so‘mlik oddiy aksiyalarni sotuvga chiqarishi ma'lum qilingandi. Aksiyalar 15-may kuni davlat ro‘yxatidan o‘tkazilgan bo‘lib, yopiq usulda joylashtirilishi belgilangandi.
Eslatib o‘tamiz, TBC Bank Uzbekistan 2024-yilning oxirida 128 mlrd so‘mlik obligatsiyalarni yopiq obuna orqali sotuvga chiqargan edi.