Bugun (6-fevral) 5 grammlik oltin quyma narxi 6 mln 180 ming so'mni tashkil qildi. Bundan kelib chiqadiki, 1 gr oltin narxi 1 mln 236 ming so'mga teng bo'ldi. Bu oltin narxi bo'yicha rekord hisoblanadi.
Avvalroq, 3-fevral kuni 5 grammlik oltin quyma narxi 5 mln 989 ming so'mga teng bo'lgani haqida yozgandik. Uch kun davomida 5 grammlik quyma narxi 191 ming so'mga ko'tarildi. Yil boshidan buyon esa oltin narxlari 9,16 foizga ko'tarildi.
6-fevral uchun oltin quyma narxlari. Manba: Markaziy bank
Bundan tashqari, dunyo bo'yicha ham oltin narxi rekordlarni yangilashda davom etmoqda. Trade Economics platformasi ma'lumotlariga ko'ra, 6-fevral kuni 1 troya unsiya oltin narxi 2 860 dollargacha ko'tarilgan.
O'zbekistonda oltin quymalar oldi-sotdisi bilan shug'ullanuvchi shoxobchalar ro'yxati ushbu havolada mavjud.