10-fevral kuni IT Park Uzbekistan’da IT-autsorsing kompaniyalari uchun AQSh bozoriga chiqishga bag‘ishlangan seminar bo‘lib o‘tdi.
Tadbirda Kremniy vodiysining yetakchi akseleratori “Silkroad Innovation Hub” tomonidan “SCALE2US: IT Outsourcing Bootcamp” dasturi taqdim etildi.
Dasturning asosiy maqsadi – Markaziy Yevrosiyodagi IT-kompaniyalarga Amerika bozoriga chiqishda yordam berish, samarali savdo strategiyalarini o‘rgatish va mijozlar bilan aloqalarni rivojlantirishdir.
“SCALE2US” dasturi 8 oy davom etadi va quyidagi bosqichlarni o‘z ichiga oladi:
- 1 oy – Savdo va marketing bo‘yicha onlayn ta’lim
- 3 oy – AQShdagi mijozlar bilan amaliy ish
- 5 oy – Kremniy vodiysiga tashrif, aloqalar o‘rnatish va tajriba almashish
Dastur 10 nafar tajribali dasturchiga ega IT-kompaniyalar uchun mo‘ljallangan. Ishtirok etishni istaganlar ushbu havola orqali 15-martgacha ariza topshirishlari mumkin.
Avvalroq, "IT Park Ventures" tomonidan startaplar uchun arizalar qabul qilinayotgani haqida yozgandik.