O‘zbekistonda jamoat transportining 9 oylik statistik ko‘rsatkichlari

2025-yilning yanvar-sentyabr oylari uchun jamoat transportida amalga oshirilgan to‘lovlar soni va ularga oid ma’lumot e’lon qilindi. 

Unga ko‘ra, ushbu davrda O‘zbekistonning barcha hududlaridagi jamoat transportida 490,1 mln tranzaksiya amalga oshirilgan. 

^{Manba: ATTO}

Bu tranzaksiyalarning 300 mlntasi Toshkent shahridagi avtobuslarga, 132,4 mlntasi esa metroga to‘g‘ri keladi. 

^{Manba: ATTO}

Qolgan 57,8 mlntasi boshqa hududlarda amalga oshirilgan bo‘lib, bunda Samarqand hamda Namangan shaharlarining ulushi yuqori bo‘ldi.

^{Manba: ATTO}

To‘lov turlari bo‘yicha

Ushbu davrda jamoat transportida tranzaksiyalarning 53 foizi bank kartalari orqali, 33 foizi esa transport kartalari orqali amalga oshirildi. 

Bunda bank kartalari bo‘yicha to‘lovlarning yillik o‘sishi 175 foizni, transport kartalari bo‘yicha esa 58 foizni tashkil etdi. 

^{Manba: ATTO}

Eslatib o‘tamiz, 2025-yil boshidan avtobuslarda naqd to‘lov qilish to‘xtatilgan. Hozirda jamoat transporti ichida faqat metroda naqd pul qabul qilinmoqda. 

To‘qqiz oy mobaynida metrodagi qog‘oz chiptalar soni 66 foizga kamaydi. Ushbu davrda to‘lov turlari bo‘yicha eng yuqori o‘sish metrodagi mobil QR-chiptalarda kuzatildi.