O‘zbekistonlik haydovchilar Ruminiyaga ishga taklif etilmoqda. Bu haqda Migratsiya agentligi xabar berdi.
Ma’lum qilinishicha, mehnat shartnomasi doimiy bo‘lib, ish yuklamasi haftasiga 40 soatni tashkil etadi.
Oylik maosh esa 2500 dollardan 2700 dollargacha belgilangan.
Nomzodlarga bepul turar joy, tibbiy sug‘urta va mehnat shartnomasi ish beruvchi tomonidan ta’minlanadi.
Nomzodga qo‘yiladigan talablar
Nomzod avvalo CE toifali haydovchilik guvohnomasiga ega bo‘lishi shart.
Shuningdek, chet elga chiqish uchun pasporti bo‘lishi zarur. Yosh chegarasi esa 21 yoshdan 60 yoshgacha bo‘lishi kerak.
Bundan tashqari, sudlanmagan bo‘lishi hamda kamida 6 oylik ish tajribasiga ega bo‘lishi talab etiladi.
Ro‘yxatdan o‘tish
Nomzodlar ushbu havola orqali ro‘yxatdan o‘tishlari mumkin. Saralash 2026-yil 29-yanvarga qadar davom etadi.