Mikroqarz va avtokreditni qaysi bankdan olgan ma’qul?

Markaziy bank 2025-yil 1-dekabr holatiga ko‘ra, banklar kesimida aholiga ajratilayotgan mikroqarz va avtokreditlarning foiz stavkalarini e’lon qildi. 

Unga ko‘ra, mikroqarzlarning o‘rtacha stavkasi 31,4 foizni, avtokreditlar bo‘yicha o‘rtacha stavka esa 23,6 foizni tashkil etmoqda. 

Bu statistika e’lon qilina boshlangandan keyingi davr uchun eng past ko‘rsatkichdir. Ma’lumot uchun, Markaziy bank bu statistikani ilk bor 2025-yilning 2-iyulida e’lon qilgan edi. 

O‘sha kundagi amalda bo‘lgan stavka bilan 1-dekabr holatidagi stavkani taqqoslasak, mikroqarzlarning o‘rtacha stavkasi 3,5 foiz bandga, avtokreditlarning o‘rtacha stavkasi esa 0,5 foiz bandga pasaygan.

Mikroqarzlar

1-dekabr holatiga ko‘ra, banklardagi mikroqarzlarning o‘rtacha yillik foiz stavkasi 31,4 foizni tashkil etmoqda. 

Bunda eng yuqori stavka ANORBANK (40,7%) hamda Tenge Bank’da (39,8%) qayd etilgan. 

Eng past stavka esa AloqaBank (22,7%) va Trastbank’da (23,8%) kuzatilgan.

Avtokreditlar

1-dekabr holatiga ko‘ra, banklardagi avtokreditlarning o‘rtacha yillik foiz stavkasi 23,6 foizni tashkil etmoqda. 

Bunda eng yuqori stavka SQB (26,4%) va Trastbank’da (26,6%) qayd etilgan. 

Eng past stavka esa InFinBank (18,2%) va Ipoteka-bank’da (20%) kuzatilgan.