Markaziy bank 2025-yil 15-dekabr holatiga ko‘ra, banklar kesimida aholiga ajratilayotgan mikroqarz va avtokreditlarning foiz stavkalarini e’lon qildi.
Unga ko‘ra, mikroqarzlarning o‘rtacha stavkasi 31,6 foizni, avtokreditlar bo‘yicha o‘rtacha stavka esa 23,6 foizni tashkil etmoqda.
2025-yilning 2-iyulida amalda bo‘lgan stavka taqqoslaganda, mikroqarzlarning o‘rtacha stavkasi 3,3 foiz bandga, avtokreditlarning o‘rtacha stavkasi esa 0,5 foiz bandga pasaygan.
Mikroqarzlar
15-dekabr holatiga ko‘ra, banklardagi mikroqarzlarning o‘rtacha yillik foiz stavkasi 31,6 foizni tashkil etmoqda.
Bunda eng yuqori stavka Tenge Bank (41,2%) hamda ANORBANK'da (41%) qayd etilgan.
Eng past stavka esa AloqaBank (23,2%) va InFinBank'da (24%) kuzatilmoqda.
Avtokreditlar
15-dekabr holatiga ko‘ra, banklardagi avtokreditlarning o‘rtacha yillik foiz stavkasi 23,6 foizni tashkil etmoqda.
Bunda eng yuqori stavka Asakabank (26,6%) va Trastbank'da (26,5%) qayd etilgan.
Eng past stavka esa Ipoteka-bank (20%) va Garant Bank'da (20,8%) kuzatilgan.