2025-yilning dekabr oyida O‘zbekistonda inflatsiya ko‘rsatkichi 7,3 foizni tashkil etdi.
Bu noyabr oyiga nisbatan 0,9 foiz bandga, 2024-yilning dekabr oyiga nisbatan esa 2,5 foiz bandga kamdir.
Shunday qilib, 2025-yilda mamlakatdagi inflatsiya darajasi 7,3 foizni tashkil etdi. Bu statistika e’lon qilinayotgandan beri kuzatilgan eng past ko‘rsatkichdir.
Yil davomida eng yuqori inflatsiya darajasi mart (10,3%) hamda aprel (10,1%) oylarida qayd etildi. Eng past daraja esa dekabr (7,3%) va noyabr (7,5%) oylarida kuzatildi.
Statistika qo‘mitasining ma’lumotlariga ko‘ra, yil davomida eng past inflatsiya darajasi Jizzax viloyatida qayd etilgan:
- Jizzax — 6,7%
- Qashqadaryo — 7,0%
- Navoiy — 7,1%
- Toshkent shahri — 7,1%
- Samarqand — 7,2%
- Toshkent viloyati — 7,2%
- Andijon — 7,3%
- Namangan — 7,3%
- Buxoro — 7,4%
- Sirdaryo — 7,4%
- Xorazm — 7,5%
- Surxondaryo — 7,6%
- Qoraqalpog‘iston R. — 7,7%
- Farg‘ona — 7,7%
Ma’lumot uchun, Markaziy bank inflatsiyani maqsadli (5%) doirada shakllantirish uchun bir necha marta asosiy stavkani ko‘rib chiqdi.
Xususan, mart oyida asosiy stavka 0,5 foiz bandga oshirilib, 14 foiz darajasida belgilandi. Keyingi davrda esa bu ko‘rsatkich o‘zgarishsiz qoldirildi.