2025-yilda O‘zbekistonning mahalliy avtomobil ishlab chiqaruvchi kompaniyalari 427 ming 97 ta avtomobil sotdi. Bu 2024-yilga nisbatan 24 ming 706 taga yoki 6,1 foizga ko‘pdir.
Yil davomida mamlakatning avtomobil ishlab chiqarish sanoatida bir qator o‘zgarishlar ro‘y berdi. Jumladan, UzAuto Motors kompaniyasi ishlab chiqarishning bir qismini Xorazmdagi filialiga ko‘chirdi.
Manba: UzAuto
2025-yilda Chevrolet modellari 2024-yilga nisbatan 0,5 foiz ko‘proq sotildi. UzAuto Motors kompaniyasining avtomobil sotuvlari o‘sgan bo‘lsa-da, uning bozordagi ulushi 87,9 foizdan 84,2 foizgacha qisqardi.
KIA (32%), BYD (40%), Chery (50%), Haval (172%) hamda Isuzu (38%) brendlarining sotuvlari esa ko'paydi.
Mazkur kompaniyalar asosan yuqori toifadagi avtomobillar ishlab chiqaradi. Bu esa bozorda qimmat avtomobillarga bo‘lgan talab ortayotganini ko‘rsatmoqda.
Modellar bo‘yicha
Modellar xususida to‘xtaladigan bo‘lsak, 2025-yilda ham Cobalt eng ko‘p sotilgan avtomobil bo‘lib qoldi.
Shuningdek, Damas hamda Tracker modellari ham o‘z mavqeini saqlab qoldi.
Manba: UzAuto
UzAuto Motors’ning yuqori toifadagi Malibu, Equinox, Tahoe va Captiva kabi modellarining sotuvi esa sezilarli darajada pasaydi.
Boshqa modellarda esa o‘sish kuzatildi. Xususan, KIA Sonet modeli sotuvi bir yil ichida 2,5 barobarga ko‘paydi.