2026-yilning fevral oyida O‘zbekistonda yillik inflatsiya darajasi 7,3 foizni tashkil etdi. Bu haqda Statistika qo‘mitasi ma’lumot berdi.
Mamlakatda inflatsiya darajasi 2025-yilning iyul oyida 8,9 foizga teng bo‘lgan edi.
Manba: Markaziy bank
Shundan so‘ng bu ko‘rsatkich har oy pasayib, 2026-yilning yanvar oyida 7,2 foizgacha tushgandi.
Bu inflatsiya statistikasi e’lon qilinayotganidan buyon kuzatilgan eng past ko‘rsatkich edi.
Biroq 2026-yilning fevral oyida inflatsiya darajasi yanvar oyiga nisbatan 0,1 foiz bandga oshib, 7,3 foizni tashkil etdi.
Fevral oyida hududlar kesimida eng yuqori inflatsiya Farg‘ona viloyatida qayd etildi.
- Farg‘ona — 7,8%
- Qoraqalpog‘iston R. — 7,6%
- Buxoro — 7,5%
- Namangan — 7,5%
- Surxondaryo — 7,5%
- Xorazm — 7,5%
- Qashqadaryo — 7,4%
- Navoiy — 7,4%
- Samarqand — 7,3%
- Sirdaryo — 7,3%
- Andijon — 7,2%
- Toshkent shahri — 7,1%
- Toshkent — 6,9%
- Jizzax — 6,7%
Ma’lumot uchun, 2026-yil yakuniga kelib inflatsiya darajasi 6,5 foiz atrofida bo‘lishi kutilmoqda.
Markaziy bank belgilangan 5 foizlik maqsadli inflyatsiya darajasiga 2027-yil oxirida erishishni maqsad qilgan.