7-aprel kuni “Yagona umumrespublika protsessing markazi” AJ (UZCARD to'lov tizimi) aksiyadorlarining yillik yig‘ilishi bo‘lib o‘tdi.
Yig‘ilishda 2025-yilda olingan sof foydaning 282 mlrd so‘mini dividend to‘lashga yo‘naltirishga qaror qilindi.
Bunda har bir aksiya uchun 5 640 so‘mdan dividend to‘lanishi belgilandi.
Shuningdek, 9 mlrd 134 mln so‘m mablag‘ni kompaniya Kuzatuv kengashi a’zolariga mukofot puli sifatida yo‘naltirishga ham qaror qilindi.
Mukofot puli kengash a’zolari o‘rtasida quyidagicha taqsimlanadi:
- Akilov Akbar — 5,35 mlrd so‘m
- Akbarov Kamron — 2,14 mlrd so‘m
- Yusupov Aziz — 1,07 mlrd so‘m
- Tursunbayev Jasur — 535 mln so‘m
- Sadikov Ulugbek — 39,8 mln so‘m
Ma’lumot uchun, Kamron Akbarov “Yagona umumrespublika protsessing markazi” AJning 25 foiz ulushiga egalik qiladi.
Skrinshot: iHamkor
Aziz Yusupov esa to‘lov tizimining qolgan 75 foiz ulushiga egalik qiluvchi “IMC-Capital” MChJ rahbari sifatida qayd etilgan.
Akbar Akilov UZCARD to‘lov tizimi hamda ATTO kompaniyasining Kuzatuv kengashi raisi hisoblanadi.
Avvalroq, UZCARD to‘lov tizimining 2025-yil yakunlari bo‘yicha moliyaviy ko‘rsatkichlari haqida ma’lumot bergandik.