24-iyun kuni InFinBank kuzatuv kengashi yig‘ilishida qo‘shimcha aksiyalar chiqarish orqali bank ustav kapitalini oshirish to‘g‘risida qaror qabul qilindi.
Qarorga ko‘ra, bank ustav kapitali 800 mlrd so‘mga oshirilib, 1 trln 440 mlrd so‘mdan 2 trln 240 mlrd so‘mga yetkaziladi.
Buning uchun nominal qiymati 1 ming so‘m bo‘lgan 800 mln dona oddiy, egasining nomi yozilgan hujjatsiz qo‘shimcha aksiyalar chiqarilishi belgilangan.
Qo‘shimcha aksiyalar amaldagi aksiyadorlarga imtiyozli sotib olish huquqi taqdim etilgan holda, yopiq obuna orqali joylashtiriladi.
Qarorga muvofiq, aksiyalar quyidagi investorlar o‘rtasida taqsimlanishi rejalashtirilgan:
- Farxod Mamajonov
- Parviz Abdusamadov
- "Prestij Rielt" MChJ XK
- "Azia Trans Terminal" MChJ
- "Uztex Tashkent" MChJ
Aksiyalar vakolatli davlat organi tomonidan davlat ro‘yxatidan o‘tkazilgan kundan boshlab 365 kun ichida joylashtirilishi belgilangan.
Avvalroq, InFinBank asosiy aksiyadori Farhod Mamajonov aviakompaniya ochayotgani ma’lum bo‘lgandi.