AloqaVentures fondi Business Robots AI startapiga 100 ming dollar sarmoya kiritdi.
AloqaVentures fondi odatda startaplarning 4 foiz ulushini sotib oladi.
Bundan kelib chiqib, mazkur startap 2,5 mln dollarga baholanganini taxmin qilsak bo‘ladi.
Startap haqida
Business Robots AI startapi turli kompaniyalarga sun’iy intellekt yechimlari orqali raqamlashtirish xizmatlarini taqdim etadi.
Ma’lum bo‘lishicha, u bir nechta zamonaviy sun’iy intellekt tizimlari orqali faoliyat yuritadi.
Startap 2024-yil 27-noyabrda davlat ro‘yxatidan o‘tgan bo‘lib, uning rahbari Valeriy Bushuyev hisoblanadi.
Ochiq ma’lumotlarga ko‘ra, startapning 50 foiz ulushi Axmadjonov G‘ofur o‘g‘liga tegishli ekan.
Ma’lumotlarga ko‘ra, ushbu shaxs Tulyaganov G‘afur Axmadjonovichning o‘g‘li hisoblanadi.
Tulyaganov esa Toshkent shahridagi bir qancha filialga ega Axmad Oltin Jo‘ja restoranlar tarmog‘ining 50 foiziga egalik qiladi.
Qolgan 50 foiz ulushi esa Tulyaganov Obidjon Axmadjonovichga tegishlidir.
Business Robots AI startapining qolgan 50 foiz ulushi esa Bushuyev Valeriy Dmitriyevichga tegishli hisoblanadi.
Bushuyev shuningdek, Caravan Turizm kompaniyasining bosh direktori hamda asoschilaridan biri sanaladi.
Avvalroq, AloqaVentures fondining Yammiy startapiga 15 ming dollar sarmoya kiritgani ma’lum bo‘lgandi.