AloqaVentures fondi MedMapp startapiga 20 ming dollar sarmoya kiritdi.
AloqaVentures fondi odatda startaplarning 4 foiz ulushini sotib oladi.
Shundan kelib chiqib, MedMapp startapining qiymati 500 ming dollar atrofida baholangan bo‘lishi mumkin.
MedMapp startapi haqida
MedMapp — O‘zbekiston va butun Markaziy Osiyodagi bemorlarni xorijdagi klinikalar bilan to‘g‘ridan-to‘g‘ri bog‘lovchi tibbiy turizm platformasidir.
Platforma bemorga eng mos klinikani tanlashda ko‘maklashadi.
Bundan tashqari, u hujjatlarni tayyorlash, tarjima qilish va viza olishni osonlashtiradi. Bunda barcha xizmat narxlari ko‘rsatilgan bo‘ladi.
Ochiq ma’lumotlarga ko‘ra, startap 2025-yilning 30-iyul sanasida yuridik shaxs sifatida ro‘yxatdan o‘tgan. Uning rahbari Sultonova Mehruza hisoblanadi.
Startap AloqaVentures fondidan sarmoya jalb qilguniga qadar, kompaniyadagi ulushlar taqsimoti quyidagicha edi:
- Sultonova Mehruza — 55%
- Mirakov Shohjahon — 40%
- "Startup Garage" MChJ — 5%
Shohjahon Mirakovning LinkedIn sahifasidagi ma’lumotlardan uning dasturchi ekanligini taxmin qilish mumkin.
U hozirda DelX IT Group kompaniyasida loyiha menejeri lavozimida ishlaydi.
Avvalroq, AloqaVentures fondi stomatologiya klinikalarini raqamlashtirishga mo‘ljallangan DentalSoft startapiga 20 ming dollar sarmoya kiritgandi.