O‘zbekistonda yettita kompaniya avtomobil yig‘ish va ishlab chiqarish bilan shug‘ullanadi.
2025-yilning yanvar-avgust oylarida ushbu kompaniyalarda ishlab chiqarilgan avtomobillarning 261 ming 211 tasi sotildi.
O‘tgan yilning yanvar-sentyabr oylarida bu ko‘rsatkich 303 ming 373 taga teng bo‘lgandi.
Mamlakatda avtomobil sotish bo‘yicha UzAuto Motors kompaniyasi hamon yetakchilik qilmoqda.
Foto: UzAuto
Biroq joriy yilda uning ulushi sezilarli darajada kamaydi. O‘tgan yili sotilgan avtomobillarning qariyb 90 foizi ushbu kompaniyadan chiqqandi.
Keyingi eng yuqori ulush esa Khorezm Avto kompaniyasiga tegishlidir. Ma’lumot uchun, mazkur kompaniya UzAuto Motors kompaniyasining filiali hisoblanadi.
Modellar bo‘yicha
Avtomobillarning modellar bo‘yicha sotuvida Cobalt, Damas, Tracker, Labo hamda Onix hamon yetakchilik qilmoqda.
Aynan Chevrolet modellarining shu beshligi eng ko‘p sotilgan. Qolgan modellarning sotuvi esa bularga nisbatan ancha past.
Xususan, Malibu 720 ta, Lacetti 238 ta, Captiva 191 ta, Equinox esa 103 ta sotilgan. Premium klassdagi Tahoe esa atigi 17 dona sotilgan.
Foto: UzAuto
2025-yilning yanvar-avgust oylarida sotilgan avtomobillarning 49 foizi Cobalt hamda Damas hisoblanadi.
Chevrolet modellaridan keyin eng ko‘p KIA hamda BYD modellari sotilmoqda.
Eslatib o‘tamiz, UzAuto Motors kompaniyasi 2025-yilda Cobalt avtomobilining yangilangan versiyasini taqdim etadi.