UzAuto Motors kompaniyasi yangi raqamli tizim joriy etdi. Unga ko‘ra, endilikda avtomobil xarid qilish shartnomalari maxsus QR-kod bilan taqdim etiladi.
Ushbu QR-kod yordamida xaridor shartnomaning haqiqiyligini mustaqil ravishda tekshirish imkoniga ega bo‘ladi. QR-kodni telefon orqali skanerlab, mijoz quyidagi ma’lumotlarni ko‘rishi mumkin:
- xaridorning ism-sharifi,
- shartnoma raqami,
- avtomobil narxi va to‘lov tafsilotlari,
- dilerning nomi va manzili,
- avtomobil haqidagi ma’lumotlar,
- shartnoma holati.
Shuningdek, endilikda QR-kodsiz shartnomalar haqiqiy hisoblanmaydi.
Kompaniya ushbu tizim qalbaki shartnomalarga aldanib qolish holatlarining oldini olish maqsadida joriy etilganini bildirdi.
Eslatib o‘tamiz, 2025-yilning 3-noyabr sanasida Chevrolet dilerlik markazlarida Cobalt modelining yangi ikkita versiyasi hamda mavjud ikkita versiyasi sotuvga chiqariladi.
Ularning narxlari va yangilangan modellarga qo‘shilgan funksiyalar haqida avvalroq batafsil ma’lumot bergandik.