Osiyo taraqqiyot banki (OTB) O‘zbekistonga 100 mln dollar miqdorida kredit ajratmoqda.
Bu haqda 17-noyabr kuni bank prezidenti Masato Kanda hamda O‘zbekiston Bosh vaziri o‘rinbosari Jamshid Xo‘jayev o‘rtasidagi uchrashuvda kelishib olindi.
Xabar qilinishicha, mazkur mablag‘lar maktablarda STEM-ta’limni rivojlantirish uchun yo‘naltiriladi.
STEM - bu Science (Fanlar), Technology (Texnologiya), Engineering (Muhandislik) va Mathematics (Matematika) so‘zlarining qisqartmasidir.
Ma’lumot uchun, O‘zbekiston 1995-yilda OTBga a’zo bo‘lgan. Mamlakat shundan buyon 14,6 mlrd dollarga teng miqdorda kreditlar, grantlar va texnik yordam olgan.
Bundan oldin O‘zbekiston OTBdan kichik biznesni rivojlantirish maqsadida 300 mln dollar miqdorida kredit olish bo‘yicha kelishuvga erishgan edi.