2026-yil 28-yanvar holatiga ko‘ra, O‘zbekistonda 1 gramm oltin quymasining sotish narxi 2 mln 58 ming so‘mni tashkil etmoqda.
E’tiborli jihati, oltin quyma narxlari ketma-ket yettinchi kun rekord o‘rnatmoqda.
Qaytarib sotib olish narxi esa quyma qadog‘i butun bo‘lganda sotish narxidan 5 foiz pastroq. 27-yanvar kuni bu ko‘rsatkich 4 foiz edi.
28.01.2026 / Manba: Markaziy bank
Taqqoslash uchun, oltin narxi yil boshiga nisbatan 18 foizga, o‘tgan yilning ayni shu kuniga nisbatan esa 74,5 foizga oshgan.
Oltin narxi jahon bozorida ham yangi rekordlarni o‘rnatmoqda. 27-yanvar kuni uning 1 troy unsiyasining narxi tarixda ilk bor 5 ming dollardan oshdi.
28-yanvar kuni soat 10:00 holatiga ko‘ra, oltinning 1 troy unsiyasi 5245 dollarni tashkil etmoqda.
Avvalroq, O‘zbekistonda oltin quymalarini qanday va qayerdan sotib olish to‘g‘risida ma’lumot bergandik.