Oktyabr oyida O‘zbekistonda tovar va xizmatlar narxi o‘rtacha 0,6 foizga qimmatladi. Bu o‘tgan yilning mos davridagi ko‘rsatkichga teng. Yillik inflyatsiya darajasi esa 6,5 foizni tashkil etdi. Solishtirish uchun, o‘tgan yilning oktyabrida bu ko‘rsatkich 7,8 foizga teng bo‘lgandi.

1-oktyabr holati bo‘yicha O‘zbekistonda 2 mln 841 mingdan ortiq fuqaro o‘ziga kredit olishni taqiqlab qo‘ygan. Bu o‘tgan yilning mos davridagi ko‘rsatkichdan 19 barobarga, yil boshidagi ko‘rsatkichdan esa 6,5 barobarga ko‘pdir.